هنتكلم النهارده عن مسلسل شايفة ان اتظلم رغم ان الكابل الكيمياء بينهم عالمية والقصة كان ممكن تكون افضل لو حصل تعديلات وقللنا من احداث ومساحات لشخصيات وخصوصا شخصية اخت البطلة الكبيرة وقصصها التي لاتنتهي لكن الدراما في المجمل ممكن نقول انها متوسطة المستوي وقدرت تعدي رغم كل الثغرات اللي فيها والضجة اللي قلبها انها مقتبسة ونسخة من مسلسل تايلاندي شهير -بعيدا عن
السماء- وكل اللي تابع اتاكد ان فيه تشابه ربما ان اختها الكبيرة بتحاول الايقاع بوالد البطل وتتزوجه فينقلب حبه لشك في الاخت الصغيرة بسبب تصرفات الاخت الكبيرة المثيرة للشك وبرضه ده مختلف كتير عن سير الدراما التايلاندي وكمان المانغا اليايانية وفي الحقيقة ربما تكون القصة اقرب لقصة سندريللا
ويبدء الصراع الداخلي بين الحب والانتقام والشك تشابه وارد لكن خليني اقول مفيش دراما نقدر نقارنها بالاسطورة بعيدا عن السمااااااااء
البطل بيفكرني بالغالي صاحب الكاريزما الرهيبة ثورنا الفخيم كين
الدراما الصينية -حبك هو الافضل-
اسباب تدعو للمشاهدة
طبعا الكيمياء والتناغم الرهيب بين البطل والبطلة وفي الحقيقة كانت بداية شرارة لقصة حب تحولت من الشاشة للواقع بخطبة بعد انتهاء الدراما وزواج
عشق البطل رغم كل الملاحظات متعرفيش سبب حبك ليه ساحر ولاايه يعني يعمل اللي يعمله وتلاقي قلبك بيحاول يلاقي مبررات
البطلة المغلوبة علي امرها المضحية والتعاطف معاها
اخو البطل غلبان اوي وحنين جدا وقلبه كبير
الرغبة في الانتقام لاجل البطلة ورؤية البطلين في نهاية سعيدة لانهم يستحقانها
قصر مدة الحلقة حوالي 35-40 دقيقة
اسباب قد تنفرك من المشاهدة
المساحة الكبيرة الغير مبررة لشخصية اخت البطلة وشخصيات فرعية وحشو في القصة بدون داعي
بعد التعديلات في السيناريو والنص كانت ممكن ان تجعلها افضل
التقييم -7 من 10 وكده انا كريمة جدا
المسلسل نفسه كان ممكن يكون احسن بس زي ماقولت ع العموم مش ممل لكن محتاج يتابع مرة واحدة يعني once مابدئتي متوقفيش عشان ميسقطش منك احساسك بالمسلسل
